आमची पार्श्वभूमी आणि प्रेरणा
महाराष्ट्रातील ग्रामीण भागासाठी आरोग्य, शिक्षण आणि सन्मानपूर्ण जीवनाची नवी आशा
ग्रामीण महाराष्ट्रातील अनेक कुटुंबांना आजही मूलभूत आरोग्य सेवा, गुणवत्तापूर्ण आधुनिक शिक्षण आणि शाश्वत विकासाच्या समान संधी सहज उपलब्ध होत नाहीत. अनेक गुणवंत विद्यार्थी केवळ आर्थिक अडचणींमुळे शिक्षणापासून दूर जातात, तर शेकडो रुग्णांना वेळेवर उपचार न मिळाल्यामुळे गंभीर शारीरिक व आर्थिक समस्यांना सामोरे जावे लागते. हाच सामाजिक आणि आर्थिक अंतराय (Gap) कमी करून, समाजातील शेवटच्या घटकापर्यंत हक्काचा विकास पोहोचवण्याच्या ध्येयाने कोहळीकर फाउंडेशनची स्थापना झाली.
आमचा विश्वास आहे की, समाजातील प्रत्येक व्यक्तीला योग्य संधी, उत्तम आरोग्य आणि दर्जेदार शिक्षण मिळाल्यासच खऱ्या अर्थाने सक्षम आणि समृद्ध महाराष्ट्र घडू शकतो.
